- ALESATIA
- ALESATIAGermann. Elsass, hodie Alsatia, Gallis olim Aussois, vel l' Aussois, item Aussay nunc l' Alsace, regio Germaniae superioris iam inde a Principatu Ludovici Pii, ante annos 830. Ducatus titulô insignis. In Annalibus Bertinianis Ducatus Helisatiae appellatur, poniturque inter Ducatum Ripuariorum et Ducatum Alamanniae. Divisio Regni Lotharii A. C. 870. facta Elisatium Basiliensi pago pagum proximum facit, in eoque duos Comitatus ponit, Hadr. Vales. Notit. Gall. Imo iam a Theodorico Rege Francorum, Ethico seu Athicus cognomine Adelricus. fil. Leudesii Maioris-Domus, ab Ebronio circa A. C. 680. caesi, Ducatum Alesatiae nactus, Ehenhemii habitavit, maritus Bersuinids, cuius soror Blidechildis Chilperico II. Regi nupserat. Ei successit in Ducatu hoc fil. Adelbertus, huic fil. Eberhardus; fundator Monasterii Murbacensis, A. C, 724. quorum linea brevi exstinctâ heredem dicitur habuisse Guntramum Habspurgensem, samiliae huius Augustae satorem. Huius enim Pater Hugo Comes, abnepos Ethonis seu Hettonis (qui frater Aelberti Ducis erat) commums, per tres filios, trium famillarum ex Alesatica procedentium, Lotharingicae, Dagsburgicae et Habspurgicae Pater fuit. Adelbertus postea seu Albertus Dives, ex Guntrami praedicti posteris, avus Rudolfi I. Imperatoris Landgravii Alsatiae titulum primus tulit, etc, Vide plura in voce Alsatia.
Hofmann J. Lexicon universale. 1698.